Интернет алаяқтар қостанайлық азаматтардың 53 млн теңгесін жымқырған

Қостанайлықтар интернет алаяқтарға алданып жатыр. 24 kz жазуынша, кейінгі аптада он шақты адам 53 млн теңгесінен айырылған. Былтыр бір жыл ішінде келтірілген залал 360 миллион теңге болған.

Алаяқтар түрлі қитұрқы әрекетке барып, жасанды интеллектіні пайдалана бастады. Желі қолданушылардың парақшасын бұзып, қаржы сұрап, хабарлама таратады. Сендіру үшін жалған аудио, бейнежазбалар жібереді. 

- Соңғы кезде мемлекеттік мекеме  басшысы атынан ватсап желісі арқылы келіп түсетін хабарлама көбейді. «Сізге қазір Ұлттық қауіпсіздік комитетінің қызметкерлері хабарласады. Айтқанын орындаңыз», деп талап қояды. Кеше ғана осындай фактіге медициналық орталық қызметкері тап болды. Келтірілген залал мөлшері 15 миллион теңге. Жәбірленушінің айтуы бойынша бұл соманы ол кісі 20 жыл бойы жинаған»,- дейді облыстық ПД киберқылмысқа қарсы іс-қимыл бөлімінің жедел уәкілі Рашид Мадияров.

Фото: Liter.kz