Жамбыл облысында биылдыққа 79 мың га жер мемлекетке қайтарылған
АШМ облыста 64 жер заңнамасының бұзылуын анықтады
Ауыл шаруашылығы министрлігінің Жер ресурстарын басқару комитеті 2024 жылға Жамбыл облысы бойынша ауданы 80 мың га ауыл шаруашылығы мақсатындағы жерлерді мемлекет меншігіне қайтаруды жоспарлап отыр, деп хабарлайды Malim.kz.
Министрлік мәліметінше, жүргізілген жұмыстардың нәтижесінде облыста ауыл шаруашылығы мақсатындағы жерлерден 79 мың гектардан астам жер мемлекеттік меншікке қайтарылған.
Жер қатынастары саласында мемлекеттік бақылауды жүзеге асыру және жерді пайдалану мен қорғауды бақылау мақсатында Жамбыл облысының Жер ресурстарын басқару департаменті тұрақты негізде жоспардан тыс тексерулер жүргізеді, соның нәтижесінде жер учаскесін өз бетінше иеленгені үшін 4 жер пайдаланушыларға нұсқама беріліп, айыппұл салынды, деп жазылған ресми хабарламада.
Сондай-ақ, жер телімін мақсаты бойынша пайдалану жөнінде шаралар қабылдау үшін бір жыл мерзімге 50 нұсқама, жерді мақсатсыз пайдаланғаны үшін 3 жер пайдаланушыға 3 ай мерзімге нұсқама берілген.
Одан бөлек, жер заңнамасын бұзғаны үшін 7 мемлекеттік мекеме 1 ай мерзімге нұсқама алған.
Фото: Фото: wiktionary.org
