Жамбылда 65 бала 10 жыл бойы баспана кезегіне қойылмаған
Прокуратура 156 жетім баланы кезекке қойғызды
Жамбыл облысының прокуратурасы халықтың әлеуметтік осал тобына жататын 356 азаматтың, оның ішінде 156 жетім баланың тұрғын үй құқығын қорғады, деп хабарлайды Malim.kz.
Атап айтқанда, тексеру жергілікті атқарушы органның жалдамалы тұрғын үй үшін төлемді негізсіз жоғарлату, пәтерлерді беру кезінде кезекті сақтамау және т.б. фактілерді анықтады.
Мысалы, Байзақ ауданында 2014 жылдан бері 65 баланы қамқоршылары баспанаға кезекке қоймаған.
Прокурорлық ден қою шаралары бойынша жалдау ақысының құнын жалпы 1,2 млн теңгеге төмендету жолымен 200 азаматтың құқықтары қалпына келтірілді, 156 жетім бала кезекке қойылды, олардың 3-уі тұрғын үй алды, деп жазылған облыс прокуратурасының мәлімдемесінде.
Жыл соңына дейін 66 жетім баланы пәтерлермен қамтамасыз ету жоспарланып отыр.
Фото: inbusiness.kz
