Заңсыз ойын бизнесін ұйымдастырған азамат БАӘ-ден экстрадицияланды (ВИДЕО)
Ол 21 млн теңге пайда тапқан
Бас прокуратура мен Қаржы мониторингі агенттігінің қызметкерлері заңсыз ойын бизнесін ұйымдастырған Қазақстан азаматын Біріккен Араб Әмірліктерінен экстрадициялады, деп хабарлайды Malim.kz.
Бас прокуратураның мәлімдеуінше, күдікті 2023-2024 жылдар аралығында Атырау облысында букмекерлік кеңсе түріндегі заңсыз ойын бизнесін ұйымдастырып, нәтижесінде 21 млн теңге көлемінде пайда тапқан.
Қылмыс жасағаннан кейін күдікті жасырынып, халықаралық іздеуге жарияланды.
Биылғы тамызда ол Әбу-Даби қаласының аумағында ұсталып, кейіннен Қазақстан Республикасына экстрадицияланды, деп жазылған ресми хабарламада.
Айта кетері, ол бұрын осындай қылмыс жасағаны үшін сотталған.
Қазір күдікті Астана қаласының тергеу изоляторына қамалған.
Айыпталып отырған қылмысы үшін мүлкі тәркіленіп, 4 жылдан 7 жылға дейінгі мерзімге бас бостандығынан айыру жазасы қарастырылған.
Фото: видеодан скриншот
Байланысты жаналықтар
MalimBlocks
