Бұл мақал-мәтелдер 1978 жылы жарық көрген "Маржан сөз" атты кітаптан алынып отыр. malim.kz осынау - Еуропа және Азия халықтарының қазақ тіліне сәтті аударылған мақал-мәтелдерінің шаң басып жатуы әділ емес деп шешті. Қабыл алыңыз!
Ескерту: емлесі қаз қалпында беріліп отыр. Кітапта қалай - тура солай. Түсініксіз жерлерге (?) белгісін қойып өттік. Діни, тұрмыстық, т.б. даулы болуы мүмкін тұжырымдар бар мақал-мәтелдерді кітап шыққан заманға сай сөз саптау деп ұғыңыз.
УКРАИН МАҚАЛ-МӘТЕЛДЕРІНЕН
Қалам жазбайды, ақыл жазады.
***
Пішенді маялап үйгенде мақта,
Молланы көріне кіргенде мақта.
***
Тақсырдың достығы -
Қасқырдың достығы.
***
Сорға тойған,
Суға қанған.
***
Етектен кесіп, иінін бүтіндеп.
***
Біреуге деп құйылған құймақ,
Біреуге кеп бұйырған құймақ.
***
Сайтан қартайса, сопы болар.
***
Ағаш айғайға құламайды.
***
Бишікеш қатынның үйі бықсық.
***
Сен жылама «Бұл жігітке бардым» деп,
Ол жыласын «Бір пәлеге қалдым» деп.
***
Қызыл етік те қысады.
***
Ақыл-көптің азығы.
***
Ұстазыңды ұлы әкеңдей сыйла.
***
Қолы шебердің қары талмайды.
***
Естіге екі сөз де жетеді.
***
Иесі жоқ болса, есік те жылайды.
***
Төренің иті де иті де төреше үреді.
***
Шалқақтаған қыз шашына ақ түскенше отырады.
***
Төбеде тұрсаң да - танауыңды шүйірме,
Төменде тұрсаң да-тізе бүгіп, иілме.
***
Жалқауды асықтырып үйретпе, ашықтырып үйрет.
***
Қанаты қайрылған сұңқарды қарға да алады.
***
Батпақ бар жерде бақа да бар.
***
Ағады жылдарың -
Суындай жылғаның.
***
Думанды той болмаса да кәрілік,
Өлгің келмес, жабығып.
***
Қан-су емес, жас емес,
Жүрек сорлы -тас емес.
***
Бауыры ауру сорлайды -
Балды да-татып алмайды.
***
Тісің болса, тіске басар табылар.
***
Ажал - тау сыртында өмес,
Ту сыртыңда.
***
Дәрменсіз бен шалдарды,
Күткендей күт балларды. (?)
***
Кәрілік ептеп жүреді,
Кеселін ерте жүреді.
***
Бөбектің бесігі де бір -
Кәрінің жатар пеші де бір.
***
Тәуіпке қарану -
Қапасқа қамалу.
***
Қарта ойнау мен ішімдік
Шығармайды кісі ғып.
***
Ақ нан адамды аяғынан тік тұрғызар.
***
Өттім дей бер арманда,
Жар таппасаң жалғанда.
***
Ғашықтық - өрт, өрттен өзің қашарсың,
Бір лап етсе, сөндіре алмай сасарсың.
***
Ақиқат батпаққа батырсаң да, пәктігінен айрылмас.
***
Тәтті сөздің арасында ащысы да болады.
***
Батырлық бал жалатар,
Не зар жылатар.
***
Анаң бір қолымен ұрар,
Бір қолымен сылар.
***
Көзін ашпаған күшік те енесін іздейді.
***
Байлаусыз тілдің басыңа жаны ашымас.
***
Елдің ішігін киген жылынбас.
***
Парасаты бардың бағы жанар.
***
Арбасы бір қираса,-
Аңқау есін жинайды.
***
Аттың сауырында болған
Бауырында да болар.
***
Жетер болса, мүйізіңмен желкеңді қасы.
***
Табан астын қазбалайтын тауық қана.
***
Суға кете жаздарсың,
Ұстараны қармарсың!
(Жалғасы бар)
