Ақтөбедегі әскери бөлімдердің бірінде сарбаз-күзетші қайтыс болды, деп хабарлайды Malim.kz.
Ақтөбе гарнизонының баспасөз қызметінің мәліметінше, 23 қарашада Ақтөбе гарнизонының әскери бөлімшелерінің бірінде күзет қызметін атқару кезінде мерзімді әскери қызметші бекітілген қарумен өзін-өзі атып, суицид жасаған.
Оқиғаның себептері мен мән-жайы анықталып жатыр. Бұл дерек бойынша қылмыстық іс қозғалды. Тергеу мүддесіне байланысты басқа ақпарат жарияланбайды.
Құрлық әскерлерінің басшылығы қайтыс болған сарбаздың жақындары мен туыстарына көңіл айтты.
Фото: aikyn.kz
