Қазақстан Президенті Әкімшілігінің Байланыс бөлімінің жаңа меңгерушісі тағайындалды. Бұл қызметке Қанат Құлшыманов лайықты деп танылды, деп хабарлайды Malim.kz.
Бұл туралы 2025 жылдың 11 наурызында Ақорданың Telegram-каналында белгілі болды.
"Мемлекет басшысының өкімімен Қанат Амангелдіұлы Құлшыманов Қазақстан Республикасы Президенті Әкімшілігінің Коммуникациялар бөлімінің меңгерушісі лауазымына тағайындалды", – деп жазылған ресми ақпаратта.
Қанат Құлшыманов 1987 жылы 5 қыркүйекте Арқалық қаласында дүниеге келген. Л.Гумилев атындағы ЕҰУ журналистика мамандығы бойынша бітірген. PhD дәрежесі бар.
Еңбек жолын 2007 жылы "ҚазАқпарат" ақпарат агенттігінің тілшісі болып бастаған. Осы жылдары Ақтөбе облысы әкімінің баспасөз хатшысы, Еңбек және халықты әлеуметтік қорғау министрлігі қоғаммен байланыс департаментінің директоры, Жамбыл облысы әкімі аппараты басшысының орынбасары қызметтерін атқарған. 2021 жылдың маусымынан – "ҚазМұнайГаз" ҰК" АҚ баспасөз қызметінің жетекшісі 2022 жылдың 11 сәуірінен бастап Қазақстан Республикасы Премьер-Министрінің баспасөз қызметі басшысының міндетін атқарушы болып тағайындалды (2023 жылдың ақпанынан 2024 жылдың наурызына дейін).
Жаңа тағайындалғанға дейін 2024 жылғы наурыздан 2025 жылғы наурызға дейін Қазақстан Республикасы Президенті Әкімшілігінің коммуникациялар бөлімі меңгерушісінің орынбасары болды.
2024 жылғы 9 наурыздан бастап Қазақстан Республикасы Президенті Әкімшілігінің коммуникациялар бөлімінің меңгерушісі қызметін Арман Қырықбаев атқарды. 2025 жылдың 24 ақпанында Президенттің ішкі саясат және коммуникациялар жөніндегі көмекшісі болып тағайындалды.
Фото: Үкімет
Байланысты жаналықтар
MalimBlocks
