Қостанайда өртте қаза болған бес балаға қатысты тың деректер айтылды
Еңбек министрі отбасының табысы жақсы болғанын айтты
Қостанай облысының Жітіқара қаласында бес баланың өмірін жалмаған өртке қатысты жаңа деректер пайда болды, деп хабарлайды Malim.kz.
Бұл туралы еңбек және халықты әлеуметтік қорғау министрі Светлана Жакупова айтты.
Өрт 11 қазанда сағат 4:30 шамасында басталған. Сағат таңғы бесте үйдгеі балалардың үлкені көршілерінен көмек сұрауға барыпты. Алайда өрт сөндірушілер жеткен кезде үйдің төбесі құлап кеткен болатын.
- Қаза болған балалардың анасы екі рет тұрмыс құрған. Сондықтан балалардың тегі әр түрлі. Бірінші некеде - үш бала, екінші некеде - тағы үш бала. Балалардың ең кенжесі мамырда бір жасқа толған. Сол кезде көпбалалы ана атанып, орденмен марапатталды. Бірінші күйеуімен ресми түрде ажырасқан. Әйел жергілікті дүкенде тазалаушы болып жұмыс істейді, - деді министр мәжіліс кулуарында.
Өрт кезінде балалардың анасы үйде болмаған. Балалары тоңып қалмасын деп танысын пеш жағуға жіберген екен. Ол келіп пешті жағып, қайта кетіп қалған.
Жакупова бұл отбасының табысы жақсы болғанын айтып өтті.
Фото: elements.envato.com
