Ақтөбе қаласында нөсер жаңбыр жауып, найзағайдан қаладағы ферроқорытпа зауытының жұмысшысы көз жұмды.
- Ақтөбе ферроқорытпа зауыты аумағында 35 жастағы ер адамның ес-түзсіз жатқаны туралы хабар түсті. Жұмысшылардың айтуынша, кешкі астан кейін ол далаға шыққан. Ал іште отырған жұмысшылар оған найзағай түскенін, кейін қозғалыссыз қалғанын көрген. Сол кезде жедел жәрдем шақырған. Жұмысшы жедел жәрдем жеткенше көз жұмған, - деп хабарлады облыстық Денсаулық сақтау басқармасының баспасөз қызметі.
Айта кетейік, Ақтөбеде жауын салдарынан жол опырылды. Көпқабатты үйлерде кәріз суы кері ағып, пәтерді бүлдірді.
Фото: Ашық дереккөз
