Арғын Нығматулин ісі бойынша жаңа мәлімет белгілі болды. Атап айтқанда, бұл қылмыстық істің бас прокуратураға қашан берілгені анықталды, деп хабарлайды Malim.kz.
«Қылмыстық іс Қылмыстық іс жүргізу кодексінің 186-бабы тәртібімен 7 желтоқсанда бас прокуратураның қарауына берілді. Сондықтан біз тергеудің өзіне түсініктеме бере алмаймыз. Бірақ Әкімшілік рәсімдік-процестік кодекстің 65-бабының 1-бөлігіне сәйкес, біз тек іздеу шараларына жауапты екенімізді айтқым келеді. Яғни, бұл тұлғаны іздестіру бойынша жедел шараларды Сыбайлас жемқорлыққа қарсы қызмет жүзеге асырады. Іздестіру жалғасып жатыр, өкінішке қарай, бұл туралы ақпаратты жариялап, тарата алмаймын. Себебі бұл күдіктінің жасырынуына әсер етуі мүмкін», – деп мәлімдеді Сыбайлас жемқорлыққа қарсы қызметтің ресми өкілі Данияр Бигайдаров сәрсенбі күні.
Еске салайық, 3 наурызда Арғын Нығматулиннің Сыбайлас жемқорлыққа қарсы қызмет желісі бойынша прокуратура тарапынан іздеуге жарияланғанын хабарлаған болатын.
Кейінірек Бас прокуратура Нығматулиннің іздеуге жарияланғанын растады, сондай-ақ оның мемлекеттік қаражатты жымқыру бойынша күдікке ілінгенін нақтылады.
Фото: saryarka-hc.kz
