Бағдат Мусиннің үстінен қылмыстық іс қозғалды ма: Антикор жауап берді
Ол 30 сәуірде қызметінен босатылды.
Сыбайлас жемқорлыққа қарсы қызмет экс-министр Бағдат Мусинге қарсы қылмыстық іс қозғалды ма деген сұраққа жауап берді, деп хабарлайды Malim.kz.
Мусин қызметінен кеткеннен кейін «оның үстінен іс қозғалыпты» деген сыбыс тараған болатын.
Қазіргі уақытта Сыбайлас жемқорлыққа қарсы іс-қимыл агенттігі мен оның аумақтық қылмыстық бөлімшелерінің бұрынғы Цифрлық даму, инновациялар және аэроғарыш өнеркәсібі министрі Мусинге қатысты өндірісінде жоқ, - делінген хабарламада.
Еске сала кетейік, Бағдат Мусин 30 сәуірде қызметінен босатылды. Оның орнына Жаслан Мәдиев келді.
Фото: Ақорда
