Бишімбаевтың адвокаты: Бүгін аппеляциялық шағым түсіреміз

Шағымды әр қорғаушы бөлек жазады, сондай-ақ сотталған экс-министрдің өзі де жазады, деп хабарлайды Malim.kz.

24 жылға бас бостандығынан айырылған экс-министр Қуандық Бишімбаев пен оның қорғаушылары сот шешіміне шағым түсірмек. 

Informburo.kz тілшісімен сұхбатында адвокат Ерлан Ғазымжанов қорғаушы тарап шағымдарды бүгін, яғни мерзімнің соңғы күні, 28 мамырда беретінін айтты.

Жоқ, біз оны әлі түсірген жоқпыз... Қазір СИЗО-да отырмыз. Біздің қорғауымыздағы адам да (Бишімбаев – ред.) жазады деп ойлаймын, - деді Ғасымжанов. 

Оның айтуынша, қорғаушы тарап тағылған айыптардың саралануын талап етпек. Ғазымжанов өз шағымында тергеуде болған 20-ға жуық өрескел заң бұзушылықты көрсететінін баса айтты.

Бұған дейін Салтанат Нүкенованың өліміне кінәлі деп танылған екінші адам Бақытжан Байжанов та аппеляциялық шағым түсірген.

Еске салсақ, бұған дейін адвокат Ғазымжанов өзін әлдекімдер қорқытып жатқанын айтып, полицияға арыз жазған болатын.

Фото: Жоғарғы сот