«Forbes Қазақстан»: Ахметжан Есімовтің қызы олигархтар тізіміне қосылды

Тізімдегілердің жалпы байлығы өткен жылмен салыстырғанда 8,2 миллиард доллар өсіп, 46,63 миллиард долларға жетті.

Malim Админ

  • 06.05.2024

Қазақстанның ең бай бизнесмендерінің жыл сайынғы рейтингі жарияланды. Бұл жолы еліміздегі 50 ауқатты адамның тізімі тағы 25 кәсіпкердің есімімен толықты, деп хабарлайды Malim.kz.

«Forbes Қазақстан» басылымы қазақстандық 75 олигархтың жаңарған тізімінде 5 әйел бар.

Кейінгі екі жылда Қазақстандағы ірі кәсіпкерлік айтарлықтай қарқын алған. 

Тізімдегілердің жалпы байлығы өткен жылмен салыстырғанда 8,2 миллиард доллар өсіп, 46,63 миллиард долларға жетті. Былтырғы 769 миллион доллармен салыстырғанда орташа көрсеткіш, болжам бойынша, 622 миллион долларға дейін төмендеді.

Әйел демекші, ең бай адамдардың қатарында Динара Құлыбаева, Дариға Назарбаева, Раушан Сағдиева, Айжан Есімова және Гауһар Қаппарова бар.

Айжан Есімова тізімде 44-орынға жайғасқан. Оның дәулеті 207 миллион долларға бағаланды. Кәсіпкердің байлығының басым бөлігін 2021 жылы британиялық Kazphosphate Limited компаниясы арқылы Ғалымжан Есеновпен бірге (№15 рейтинг) акционері болған «Қазфосфат» ЖШС-ін сатудан түскен қаржы құрайды. 

Сондай-ақ оның «Спорт Центр» ЖШС (KRIDA фитнес-клуб) және Петропавл нан-тоқаш зауытында акциялары бар.

Айжан Есімова Forbes рейтингінде 15-орында тұрған кәсіпкер Ғалымжан Есеновпен тұрмыста болған. Оның байлығы 590 миллион долларға бағаланды. Кәсіпкер «First Heartland Securities» АҚ-ның 99,74%-ына иелік ету арқылы ол «First Heartland Jusan Bank» АҚ-тың 79,63%-ын бақылайды, сондай-ақ банктің тағы 20,11%-ы тікелей Ғалымжан Есеновке тиесілі. Кәсіпкердің Jusan Bank арқылы «Қазақтелекомда» АҚ – 9,19% және «Кселлде» АҚ – 9,08% (тағы 14,87% – жеке өзі) акциялары бар.

Айжан Есімова – Ахметжан Есімовтің қызы. 2017-2021 жылдар аралығында Ахметжан Есімов «Самұрық-Қазына» қорының басқарма басшысы қызметін атқарған. Содан кейін ол Қазақстанның экс-президентінің штаттан тыс көмекшісі болып тағайындалды.

Коллаж: Ulysmedia.kz

Байланысты жаналықтар

Құран сүресінен рэп оқыған блогер жігіттерден қандай сыйлық алғанын айтты

20.02.2025

Назарбаевтың тойына кедергі келтірген Қайрат Нұртасқа шектеу қойылған - блогер

19.12.2024

Цукербергтің байлығы Metaverse іске қосылған соң 6 есе өсті – Bloomberg

29.09.2024

Баян Алагөзова бір күндік образына қанша теңге жұмсайды?

09.09.2024

Қазақстанда алғаш рет "шыққан тегі белгісіз байлық" тәркіленді

23.08.2024

«Барлық байлығымды балаларыма қалдырамын»: Бишімбаевтың «өсиеті» жарияланды

17.04.2024
MalimBlocks
Құран сүресінен рэп оқыған блогер жігіттерден қандай сыйлық алғанын айтты

Блогерге Умра қажылығына жолдама сыйлаған

Назарбаевтың тойына кедергі келтірген Қайрат Нұртасқа шектеу қойылған - блогер

Әлішер Елікбаев Қайрат Нұртастың 2013 жылы Алматы халқын дүрбелеңге салған кезі туралы айтып берді

Цукербергтің байлығы Metaverse іске қосылған соң 6 есе өсті – Bloomberg

Қазір Metaverse акциялары рекордты бағада сатылып жатыр

Баян Алагөзова бір күндік образына қанша теңге жұмсайды?

Киімдерінің орташа бағасы 900 мың теңге тұрады

Қазақстанда алғаш рет "шыққан тегі белгісіз байлық" тәркіленді

«Барлық байлығымды балаларыма қалдырамын»: Бишімбаевтың «өсиеті» жарияланды

Бақытжан Байжановтың телефонынан Бишімбаевтың 9 қараша күнгі видеосы табылған.