Танымал актер Тоқаев, Назарбаев және Путиннен кешірім сұрады

Танымал актер, продюсер Нұртас Адамбаев Қазақстан президенті Қасым-Жомарт Тоқаев пен экс-президент Нұрсұлтан Назарбаевтан кешірім сұрады, деп хабарлайды Malim.kz.

Актер кешірім сұрауды Мәжіліс депутаты Ринат Зайытовтан бастады.

«Өз ақымақтығыммен сізді айыптағаным үшін кешірім сұраймын. Елді жақсартуға деген талпынысыңыз үшін алғысымды білдіремін», - деп жазды шоумен.

Содан кейін президенттерді сынағаны үшін кешірім сұрады.

“Ақымақ болып, сіздердің жүргізіп отырған саясаттарыңызды сынаппын. Еліміздің болашағы үшін еңбек етіп жатсыздар! Владимир Путин, сіздің саясатыңызды сөз еттім. Мені кешіріңіз. Отбасылық құндылықты сақтап, пропаганданың жолын жаптыңыз. Александр Лукашенко Беларусь халқы үшін аянбай тер төктіңіз және қызмет етіп жатырсыз. Әлеуметтік желіде сіз туралы артық нәрсе жазсам, мені кешіріңіз”, – деп жазды актер. 

Шоумен әлеуметтік желіде жанжалдасқан желі қолданушыларынан да кешірім сұрап үлгерді.

"Мен желіде сөз таластырып, санасып, сынап, жамандық тілеген желі қолданушылардан да кешірім сұраймын. Осы өмірде кіммен арада келіспеушілік болса, солардың барлығынан кешірім сұраймын. Сіздерді сынап, сіздерге қатысты жағымсыз ойларым болғаны үшін кешіріңіздерші. Бұның барлығы ақымақтықпен істелді", – деп жазды Нұртас Адамбай. 

Фото: Әлеуметтік желі