Павлодар облысында ер адам өгей қызын зорлады деген күдікке ілінді. 14 жастағы оқушы бұл туралы мектеп психологына айтып берген, - деп хабарлайды Мalim.kz тілшісі.
Павлодар облысының полиция департаменті өкілдері күдіктінің ұсталғаны туралы ақпаратты растады. Зорлау дерегі бойынша соталды тергеу басталды.
"Күдікті ұсталып, уақытша ұстау изоляторына қамалды. Қылмыстық істі тергеу ерекше бақылауға алынды", – делінген хабарламада.
Айта кетейік, бұған дейін Қостанай облысында полицейлер кәмелетке толмаған қызды зорлады деген күдіктіні ұстаған еді.
NeMolchi қорының мәліметінше, Лисаков қаласының тұрғыны өгей қызын зорлаған. Ер адам қалаға танымал кәсіпкер екені, қалалық мәслихаттың бұрынғы депутаты болуы мүмкін делінген.
Фото: pixabay.com
