Қазақстанда өткен «Құқықтық тәртіп» жедел-профилактикалық іс-шарасы барысында іздеуде жүрген бірқатар қылмыскер, сондай-ақ заңнаманы бұзған шетелдік азаматтар анықталды. Бұл туралы Ішкі істер министрлігі мәлімдеді, деп хабарлайды Malim.kz.
Ведомствоның медиапорталына сәйкес, 11-13 желтоқсан аралығында көлік полицейлері 13 қылмыс пен қылмыстық теріс қылықты тіркеді.
Құқық қорғаушылардың жедел және үйлесімді әрекеттерінің арқасында осы қылмыстардың 12-сі ізін суытпай ашылды.
Жедел-іздестіру іс-шаралары аясында іздеуде жүрген 12 адам ұсталды.
-шара барысында негізгі назар әкімшілік құқық бұзушылықтарды анықтауға және оның жолын кесуге аударылды. Барлығы 1245 азамат жауапқа тартылды.
Құқық бұзушылықтардың ең көбі қоғамдық орындарда тиісумен байланысты (108 факт) және қоғамдық орындарда алкоголь ішу және мас күйде пайда болумен (96 факт) тіркелді.
Полицейлер сонымен қатар басқа да маңызды бұзушылықтарды анықтады. Көлік нысандарында түнгі уақытта заңды өкілдерінің еріп жүруінсіз болған 24 кәмелетке толмаған жасөспірім анықталды. Оның ішінде 14 жасөспірімді кәмелетке толмағандарды бейімдеу орталығына орналастыру туралы шешім қабылданды.
Көші-қон заңнамасын бұзған 49 шетелдік азамат жауапкершілікке тартылды.
