397 фашистің көзін жойған батыр «Халық қаһарманы» атанды
Даңқты батырлар соғыста қанша ерлік көрсетсе де «Кеңес одағының батыры» атағы берілмеді.
Екінші дүниежүзілік соғыста 397 фашистің көзін жойған Төлеуғали Әбдібекке «Халық қаһарманы» атағы берілді. Бұл атақ 289 немісті жер жастандырған батыр Ыбырайым Сүлейменовке де тиесілі.
Даңқты батырлар сұрапыл соғыста қанша ерлік көрсетсе де «Кеңес одағының батыры» атағын ала алмады. Айталық Төлеуғали Әбдібек «Халық жауының» туысы болғандықтан ерлігі ескерілмей келді. Ал Ыбырайым Сүлейменовті қолбасшылары, қатарластары мадақтап, құрметтеген. Сол кездегі майдан басылымдарында Кеңес одағының батыры деп талай мәрте жазылды. Дегенмен, ресми түрде жоғары дәрежелі атаққа батырдың қолы жетпеді.
Сондай-ақ 690-шы атқыштар батальонының командирі – Александр Несмиянов та қаншама жылдан соң «Халық қаһарманы» атанды.
Бүгін Президент Қасым-Жомарт Тоқаев Жарлық шығарып, Екінші дүниежүзі соғыста ерлік көрсеткен үш майдангерді осы марапатқа ие деп тапты.
Батырларға 1941-1945 жылдардағы Екінші дүниежүзілік соғыста көрсеткен ерлігі «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені қоса табысталды.
MalimBlocks
