Қазақстанда экстремистік ұйым ретінде танылған ҚДТ қозғалысының басшысы Мұхтар ӘБЛЯЗОВ жуық арада қамаламын деп қорқып жүр. Бұл туралы франциялық журналист Серж ЭНДЕРЛЕН Le Monde газетіне жарияланған мақаласында жазады.
Мақала авторын Мұхтар ҚАБЫЛҰЛЫ 30 сәуір күні құпия пәтерінде қабылдаған екен.
«Мұхтар Әблязов бостандықта қалу үшін 500 мың еуроны кепілге қоя алмайтынын айтты. Жуық арада қамалуы мүмкін деп қорқады. Қазір оны сенімді оққағары күзетіп жүр», - деп жазды франциялық басылым.
Британиялық Inside Wales Sport басылымының жазуынша, қазақстандық бизнесмен Францияның басшылығын негізсіз айыптаған. Енді сол үшін жауап беруі тиіс.
«Өз отанында ұрлық жасағаны үшін қуғында жүрген қазақстандық бизнесмен Мұхтар Әблязов қазір Францияда тұрады. Оған саяси баспана берілген. Сондай-ақ, оған франциялық тарап та айып тағып отыр. 2021 жылдың 30 сәуір күні ол «Дейли уорлд» газетіне берген сұхбатында Францияның ресми басшылығын саяси қитұрқылыққа барды деп айыптаған. Оның ішінде қосып айтқан сөздері де бар», - деп жазады мақала авторы Форреста МОРТОНА.
Қазақстан соты Мұхтар Әблязовты аса ауыр қылмыстар бойынша кінәлі деп үкім шығарып тастаған. БТА банкінен миллиардтаған қаражатты жымқырған және кісі өліміне тапсырыс беруші, экстремисттік ұйым құрушы дейді. 2017 жылы Мұратхан ТОҚМАДИ Әблязовтың тапсырысымен банкир Ержан ТӘТІШЕВТІ өлтіргенін айтқан еді.
Фото: inbusiness.kz
Байланысты жаналықтар
MalimBlocks
