Алматыда Арон Атабекпен қоштасу рәсімі өтті
Бүгін 26 қарашада Алматыда екі күн бұрын қайтыс болған ақын, дисседент Арон Атабекпен қоштасу рәсімі өтті.
Ақынның жаназысы қарындасының үйінде оқылды. Қаладағы ауа райының құбылғанына қарамастан, Атабекті ақтық сапарға шығарып салуға халық көп жиналған. Ақынның әріптестері, қоғам белсенділері мен саясаткерлер оның отбасына көңіл айтты. Ол Алматы маңындағы Бағанашыл зиратына жерленеді.
Екі күн бұрын ауруханада қайтыс болған Атабек 2006 жылы Алматыдағы «Шаңырақ оқиғасынан» кейін 18 жылға сотталған. 2021 жылы 1 қазанда денсаулығына байланысты жазасы жеңілдетіліп, түрмеден босап шыққан. Ол өз кінәсін мойындамай, жазасын жеңілдетуге өтініш беруден бас тартқан. Адам құқықтарын қорғау ұйымдары Арон Атабекті «саяси тұтқын» деп таныған.
MalimBlocks
Алматыда жүк көлігі 7 жасар қызды қағып кетті: автобус жүргізушісі жауапқа тартылды
Полицейлер Алматыда болған жол апатына қатысты автобус жүргізушісін жауапқа тартты. Жаяу жүргіншілер өткелінде қызды өткізбеген автобус жүргізушісі туралы сөз болып отыр. Бұл туралы ҚР ІІМ Әкімшілік полиция комитетінің төрағасы Қайсар Сұлтанбаев мәлімдеді