Антикор Нұр-Сұлтан сотының төрағасын тексеріп жатыр
Нұр-Сұлтан сотының төрағасы Тілектес Бәрпібаевтың жекеменшік ұшағына байланысты тексеріс жүріп жатыр.
Сот төрағасы Бәрпібаевқа қатысты тексеру БАҚ ақпараты бойынша басталған. Бұл істі сыбайлас жемқорлыққа қарсы қызмет ҚР Жоғарғы Сотының ішкі қауіпсіздік бөлімшесімен бірлесіп атқаруда.
Ақпаратқа сәйкес, Бәрпібаевтың жекеменшік ұшағын кәсіпкер құдасы өзі және отбасы үшін медициналық операция жүргізу үшін Германияға бару мақсатында жалға алғаны анықталды. Бизнесменнің Германия клиникаларының бірінде медициналық қызмет алуы және ұшаққа жеке өзі ақы төлеу дерегі құжат арқылы расталған.
Бәрпібаевқа келетін болсақ, ол әйелімен бірге осы чартерлік рейстің жолаушылары болған. Ол да медициналық тексеру үшін ұшқан. Аталған факті бойынша тексеру жалғасып жатыр. Ведомство хабарламасында «Бәрпібаевтың Судья әдебі кодексін сақтау мәселесі бойынша Жоғарғы Соттың тиісті комиссиясы қызметтік тексеру жүргізеді» деп жазылған.
Самое читаемое
