АҚШ 369 қазақстандықты депортациялайтынын жариялады
Ал бұрынғы КСРО елдеріне небәрі 337 азаматы қайтарылады
АҚШ билігі заңсыз мигранттар ретінде елден шығару жоспарланған мемлекеттердің азаматтарының тізімін жариялады, деп хабарлайды Malim.kz.
Fox News мәліметінше, құжатта көрсетілген 1,5 миллион заңсыз мигранттың арасында 369 Қазақстан азаматы мен бұрынғы Кеңес Одағының 337 азаматы бар. Сонымен қатар, тізімде Қазақстанмен шекаралас мемлекеттердің – Өзбекстан, Қырғызстан, Тәжікстан, Түрікменстан, Ресей және Қытай азаматтары да жүр. Иммиграция және кеден бақылау қызметі (ICE) бұл тізімге қамтылған тұлғалардың ешқайсы қамауда емес екенін, бірақ олардың бәріне депортация туралы соңғы шешім шығарылғанын нақтылаған.
Бұған дейін Қазақстанның АҚШ-тағы елшілігі бұл елде жүрген қазақстандықтарды иммиграциялық саясаттың қатаңдауы туралы ескерткен болатын.
Фото: Freepik
