Бүгін Хиуа қаласында Орталық Азия елдерінің екінші парламентаралық форумы басталады
Форумға Қазақстан, Қырғызстан, Тәжікстан, Түрікменстан және Өзбекстан парламенттерінің жетекшілері мен делегациялары қатысады
Бүгін ежелгі Хорезм жері Хиуа қаласында Орталық Азия елдерінің екінші парламентаралық форумы жұмысын бастайды. Бұл туралы UzА агенттігі хабарлады.
Форумға Қазақстан, Қырғызстан, Тәжікстан, Түрікменстан және Өзбекстан парламенттерінің жетекшілері мен делегациялары, оның ішінде жастар парламенті мен топтары, жергілікті мемлекеттік органдардың өкілдері қатысады.
«Форумның мақсаты – Орталық Азия елдері арасындағы парламентаралық байланыстарды нығайту, парламентаралық комиссиялардың, достық топтарының, мемлекеттік биліктің өкілді органдарының, жастар парламенттері мен әйелдердің аймақтың әлеуметтік-экономикалық дамуына қатысуын кеңейту», - делінген хабарламада.
Фото: Uza.uz
