АҚШ-тың 47-президенті Дональд Трамптың салтанатты ант беру рәсімі 40 жыл бұрын Рональд Рейганның 2-ші рет ант бергеніндей жабық ғимаратта өтеді әрі халыққа арнаған сөзін де сонда оқиды, деп хабарлайды «Америка дауысы».
Дональд Трамп өзінің инаугурациясының дүйсенбі күні АҚШ-тың Капитолий ғимаратында өтетінін хабарлады, себебі күн қатты суық болғандықтан, ашық аспан астында өткізуге қолайсыз.
Елге арктикалық суық келе жатыр. Мен адамдардың зардап шегуін немесе жарақат алуын қаламаймын, – Сол себепті мен инаугурацияда сөйлетін сөзімді, дұғалар мен басқа да шараны АҚШ Капитолийінің ротонында айтылуын өтуін тапсырдым, деді Д.Трамп.
Соңғы рет 40 жыл бұрын, 1985 жылы, Рональд Рейганның екінші ант беру рәсімі қатты суық салдарынан жабық ғимаратқа ауыстырылған болатын. Ол кезде түстен кейін ауа температурасы минус 29 градусқа дейін түскен.
Вашингтондағы ауа райы болжамы бойынша, Трамптың ант беруі кезінде температура шамамен - 7 градус болады, бірақ жел соғады деген болжам бар, сондықтан суық одан да күшті болуы ықтимал.
Трамптың айтуынша, оның қолдаушылары рәсімді Capital One Arena спорт кешенінде, Вашингтон орталығында 20 000 адамға арналған ғимаратта көре алады.
Жексенбі күні, инаугурация қарсаңындаТрамп сол аренада өз қолдаушыларымен митинг өткізуді жоспарлап отыр.
Фото: PETER ZAY / AFP
