Грузия Президенті Саломе Зурабишвили Тбилисидің орталық бөлігінде, Коте Апхази көшесінде орналасқан сайлау учаскесінде дауыс берді. Ол дауыс беруге қатысқан грузин көшбасшыларының алғашқысы, деп хабарлайды Malim.kz.
1TV.ge мәлімдеуінше, 3 508 294 адам сайлаушы ретінде анықталған.
Саяси бәсекеге 18 партия жіберілген, араларында 12 жыл бойы билікте болған «Грузин арманы – Демократиялық Грузия». Парламентке өту үшін үміткерлер бес пайыздық кедергіні еңсеруі керек. Барлық депутат пропорционалды жүйе бойынша сайланады.
Айта кетерлігі, Грузиядағы парламент сайлауы алғаш рет электрондық технологияларды пайдалана отырып өткізіліп жатыр. Учаскелердің 90%-ынан астам бөлігінде сайлаушылар осылай дауыс беріп жатыр. Дәстүрлі түрде дауыс беру бүкіл ел бойынша ашылған сайлау учаскелерінің шамамен 10%-ында өтеді, онда тіркелген сайлаушылар саны 300-ден аз.
Фото: Kulumbegashvili Tamuna / XinHua / Global Look Press
