Канада парламенті РФ Владимир ПУТИНДІ әскери қылмыскер деп тану үшін арнайы петиция тіркеді. Құжат Канада парламентінің ресми сайтында жарияланыпты. Бұл туралы newsone.ua сайты хабарлады.
Украиналық сайттың хабарлауынша, петицияға әзірге жүзден аса адам қол қойған. Канадалықтар Ресей президентін 2008 жылы Грузиға басқыншылық жасап, Абхазия мен Оңтүстік Осетияны басып алды деп есептейді. Және Сирияның қарапайым халқына химиялық қару қолданды деп айыптайды.
Сондай-ақ, Қырым оккупациясы мен Донбастағы соғысқа, малазиялық ұшақтың апатына, ресейдегі диссиденттер, журналистер, құқық қорғаушылардың өліміне кінәлі дейді.Қырым татарлары мен украиналықтар қуғын-сүргінге ұшырағанын айтады.
Канадалықтар өз үкіметінен Владимир Путинді әскери қылмыскер деп танып, Гаага сотына беруге шақырды. Егер петицияға қол қоюшылар саны 500-ге жетсе бұл ұсыныс үкіметте қаралады.
Фото ғаламтордан алынды.
