“Бұрынғы премьер-министр әрі “Қазақстан темір жолы” Ұлттық компаниясы” АҚ бұрынғы басшысы Асқар Мамин мен “әулеттің” кейбір мүшелерінің кесірінен қазір ҚТЖ-ң Т2 трлн қарызы бар”, - деді президент Қасым-Жомарт Тоқаевтың бұрынғы штаттан тыс кеңесшісі, экономист Олжас Хұдайбергенов.
"Жақында Instant payments туралы жаңалық шықты. ҚТЖ Instant payments-пен жай ғана келісімшартты бұзып қоймай, өз балансына олардың барлық дайын бағдарламаларын алуға келіскен және бұл әділ шешім! Одан бөлек осы салаға үлкен залал келтіріп, ҚТЖ-ң Т2 трлн қарызы болуына себеп болған Маминнің командасы мен туыстарынан құтылуға әсер еткен кадрлық өзгерістер болды.”, - деп жазды экономист әлеуметтік желідегі парақшасында.
Оқи отырыңыз: Қаңтар қырғынында туғандар: Әйелін перзентханаға әкелген ер адам қайтар жолда оққа ұшты
Экономист ҚТЖ-да жан-жақты кадрлық ауысымдар жасалу керек деп есептейді.
“Әсіресе жетекшілікті үнемі ақаулар болады деп қорқытатындарды жұмыстан босатып, тіпті осы адамдарды бірден қасқкүнемдік үшін қамауға алу керек. Себебі осы адамдар - барлық жемқорлық жүйесінің орындаушылары”, - дейді сарапшы.
Автор ҚТЖ-да қазір цифрландыру барлық дәнекерлік тізбекті жоқ ететін мықты бағдарлама дайындалып жатқанын айтады.
“Аталған бағдарламаның арқасында IT-нарық үшін API арқылы ҚТЖ сервистері қолжетімді болып, онлайн-контрактация әсерінен барлық адами факторлар шетке ығысады”, - делінген жазбада.
“Егер ҚТЖ осы бағдарламаларды іске асырып, жемқорлықты түбімен жойса, бұл ҚТЖ табысының артуына әсер етеді.(...) Ал егер мұның бәріне өзіндік өндіріс арқылы қол жеткізе алса, басқарушылар тобына тіпті ескерткіш қоюға болады”, - деп түйіндеді ол.
Оқи отырыңыз: С. Хусейн, Н. Назарбаев... Өз ескерткішінің құлағанын көргендер көп емес
Айта кетейік, 5 ақпан күні ҚТЖ-ң Instant Payments фирмасымен мерзімінен бұрын келісімшартты бұзатыны белгілі болды. 2022 жылдың бас кезіндегі дерекке сай, Instant Payments компаниясының құрылтайшысы бірінші президент Нұрсұлтан Назарбаевтың қызы - Әлия Назарбаева.
