Мырзағалиев бүгін таңертең президент Қасым-Жомарт Тоқаевтың жарлығымен президент кеңесшісі қызметінен босатылған. Ол бұл қызметке осы жылдың 13 қаңтарында тағайындалған. Оның алдында 5 ай Энергетика министрі, 2 жыл Экология, геология және табиғи ресурстар министрі болған.
Мырзағалиевтің ҚазМұнайГазға тағайындалуы мүмкін деген болжамды кеше бірнеше саясаттанушылар айтқан. Үш күн бұрын бұл қызметті денсаулық жағдайына байланысты Алик Айдарбаев босатқан. Айта кетейік, Айдарбаев Жаңаөзендегі наразылық білдіруші мұнайшылардың алдына барып, ҚазМұнайГаздағы жұмыссыздық мәселесін толық шешуге қауқары жетпейтінін айтқан.
