Павлодарда «Nur Otan» депутаты 15 тәулікке қамалды.
Мамырдың 25-і күні Павлодар қаласының мамандандырылған әкімшілік соты облыстық мәслихатқа «Nur Otan» партиясының атынан сайланған депутат Қайрат Әбішевті 8 жылға көлік жүргізуге тыйым салып, 15 күнге қамады. Оған Әкімшілік кодекстің 613-бап 4-бөлігі бойынша айып тағылған.
Іс материалында көрсетілген мәлімет бойынша, Қайрат Әбішевтің 25-ші мамыр күні таңғы сағат 5:00 шамасында техникалық тексеруден өтпеген Toyota Camry көлігімен жүрген жерінен полиция тоқтатқан. Тексеру барысында одан ішімдіктің иісі шығып тұрған. Артынша оның ішінмдік ішкен-ішпегенін анықтау үшін облыстық психикалық саулық орталығына жіберілген. Бірақ ол полиция талабын орындаудан бас тартқан.
Сот барысында депутат кінәсін мойындамаған. Ол өттегі тасты ерітетін спирт қосылған тұнба ішкенін алға тартқан және таңертең балаларына дәрі алу үшін көлікпен шығып кеткенін айтқан. Соттан өзін қамамауды сұраған.
Қайрт Әбішев «Nur Otan» партиясының атынан 2016 жылы Павлодар облыстық мәслихатының депутаты болып сайланған. Биыл да мәслихатқа өткен.
Байланысты жаналықтар
MalimBlocks
Елін сүйген қайраткер Нұртас Оңдасынов
Ол 1938 жылдан 1963 жылға дейін (25 жыл) – Қазақ КСР Жоғарғы Кеңесінің депутаты, ал 1940 жылдан 1958 жылға дейін (18 жыл) КСРО Жоғарғы Кеңесінің депутаты болды. 26 жыл (1938-1964) Қазақстан Компартиясы Орталық комитетінің және 14 жыл (1938-1951, 1954-1955) оның бюро мүшесі, Кеңес Одағы Компартиясының XVIII, XXII, XXIII съездері мен оның XVIII конференциясының делегаты, 13 жыл (1939-1952) СОКП Орталық Тексеру комиссиясының мүшесі болып сайланды.
