Пабликтен телеарнаға дейінгі пропаганда: Ахметов 220 миллионды қайда жұмсамақ?

Malim Админ

  • 07.04.2021

Шығыс Қазақстан облысы әкімдігі мемлекет саясатын насихаттау үшін 220 миллион теңге жұмсамақ.

4 сәуірде мемлекеттік сатып алулар порталында ілінген 41832090-ОК1 лотта Шығыс Қазақстан облысының ішкі саясат басқармасы 2021 жылы әлеуметтік желілерде (парақша, паблик, топтарда) қазақ және орыс тілінде өңірдегі мемлекеттік саясатты насихаттауға тендер жариялағаны көрсетілген. Басқарма осы мақсатқа бюджеттен 60 357 142, 86 теңге жұмсауды жоспарлаған.

Сатып алынатын өнімнің техникалық ерекшелігі жөніндегі хаттамада лот атауы «SMM қызмет» деп көрсетілген. Өнім берушіге қойылатын талаптар арасында «Facebook және ВКонтакте желілерінде 21 000 секунд аудиовизуалды материал жариялау, 1000 секундтық анимациялық аудиовизуалды материалдардың сценарийін дайындау және мәтіндік, графикалық, аудиовизуалды материалды таратып, 2 000 000 қаралым жинау» талаптары бар.

Тендерге қатысуға өтініш қабылдау 2021 ж. 04. 09 басталып, 2021 ж. 04. 24 аяқталады.

Бұдан бөлек, ШҚО ішкі саясат басқармасы сәуірдің 1-і күні аймақтық мерзімді басылымдарға мемлекет саясатын насихаттауға 89 285 714, 30 теңгеге тендер жариялаған. Онда өнім берушіге қойылатын талаптар арасында: басылым аптасына кем деген де екі рет шығуы тиіс, Басылым форматы: D3, A3, A2 болуы қажет және жарияланатын материалдардың мәтіні мен фотосы 50/50 болуы керек деген пункттер бар. Тендерге өтініш қабылдау сәуірдің 2-і күні басталған. Ол 12-іне дейін жалғасады. Лотты кімдердің ұтып алғаны сол уақытта белгілі болады.

Бұған қоса, Шығыс Қазақстан облысының ішкі саясат басқармасы мемлекеттік сатып алулар порталына дәл осындай тақырыпта 4 хабарландыру ілген. Оның ішінде мемлекеттік саясатты насихаттауға бюджеттен республикалық телеарналарға (26 875 000, 02 тг), аймақтық желілік басылымдарға (7 589 285.72 тг), республикалық танымал желілік ақпараттық агенттіктерге (15 508 928.61 тг), аймақтық телеарналарға (21 160 714.30 тг) бөлу қарастырылған. Жалпы алғанда, биыл ШҚО ішкі саясат басқармасы мемлекеттік пропагандаға бюджеттен 220 миллион 776 мың 785,81 теңге жұмсамақ.

 

 

 

Байланысты жаналықтар

ЭКСПО тендері: гүл өсіруге 48 миллион

22.05.2020

80 постқа 10 миллион теңге төлейді

21.05.2020

Көлгіновке орыс тілінде ақпарат тарату маңызды

21.09.2020

Ақша санайтын шенеуніктердің кофе ішпесе басы ауырады

28.07.2020

Көлгіновтің әкімдігі даладағы фильмге 26 миллион жұмсаған

30.11.2020

Шұңқырдағы жазу: Ең жақсы өзгеріс – Омардың отставкасы

26.05.2022
MalimBlocks
ЭКСПО тендері: гүл өсіруге 48 миллион

80 постқа 10 миллион теңге төлейді

Көлгіновке орыс тілінде ақпарат тарату маңызды

Ақша санайтын шенеуніктердің кофе ішпесе басы ауырады

Көлгіновтің әкімдігі даладағы фильмге 26 миллион жұмсаған

Шұңқырдағы жазу: Ең жақсы өзгеріс – Омардың отставкасы

Өскемен қаласының автожолдарындағы шұңқырларда «Ең жақсы өзгеріс - Омардың отставкасы» деп жазылған тақтайшалар пайда бола бастады.