Қазақстан БРИКС құрамына кіре ме? Президенттің баспасөз хатшысы жауап берді
Қазан қаласында 23-24 қазанда БРИКС саммиті өтеді
Президент Қасым-Жомарт Тоқаевқа еліміздің БРИКС-ке қосылуы туралы ұсыныстар түскен. Мемлекет басшысының кеңесшісі әрі баспасөз хатшысы Берік Уәли бұл ұсыныстардың ұлттық мүдде тұрғысынан мұқият қарастырылатынын айтты.
Қазан қаласында 23-24 қазанда БРИКС саммиті өтеді. Берік Уәлидің айтуынша, Тоқаевтың жиынға қатысуы мүмкін.
"Мемлекет басшысы сонда 24 қазанда ұйымның аутрич форматындағы кеңейтілген отырысында сөз сөйлеуді жоспарлап отыр", - деді президенттің кеңесшісі және баспасөз хатшысы.
Берік Уәлидің айтуынша, Қазақстан БРИКС эволюциясын қызығушылықпен бақылап отыр және ұйымның негізін қалаушы мемлекет басшыларының кез келген алпауыт державалардың гегемониясынан азат, әділ, демократиялық әлемдік тәртіп құруға бар күш-жігерін салуға шақыруларын қолдайды.
"Президент Қазақстанның БРИКС-ке қосылуы туралы ұсыныстар алды. Өйткені, біздің еліміз халықаралық қауымдастықтың жауапты әрі беделді мүшесі ретінде танылды. Бұл ұсыныстарды Мемлекет басшысы мұқият қарап, оның тапсырмасы бойынша тиісті ведомстволар Қазақстанның ұлттық мүддесі тұрғысынан сараптауда", – деді Берік Уәли.
Сонымен бірге, ол қазіргі уақытта және жақын болашақта Қазақстан БРИКС-ке, оның ішінде мүшелік мәселесін қараудың көп сатылы процесін ескере отырып, өтініш беруден бас тартатынын, сондай-ақ басқа да осы бірлестіктің даму болашағына қатысты мәселелерді шегеретінін айтты. Бұл ретте президенттің кеңесшісі мен баспасөз хатшысы БҰҰ-ға назар аударды.
Фото: Ақорда
Байланысты жаналықтар
MalimBlocks
