Қошанов: Қызу пікірталастар митингте емес, мәжіліс қабырғасында өтуі керек

Айшолпан КЕРІМ

  • 22.06.2022

VII сайланған мәжіліс жанынан Қоғамдық палата құрылды. Мәжіліс спикері Ерлан Қошанов енді митингтегі қызу талқылар осы палата аясында өтетінін айтты.

"Бұл кейбір депутаттар айтқандай "қойшыны көбейту" емес. Бізге тағы да бір қосымша алаң ашылды. Президент қызу пікірталастар көшеде емес, митингтерде емес, осы мәжілістің қабырғасында өтуі керек екенін айтқанын білесіздер. Сол үшін осы палата құрылып отыр", - деді ол.

Спикер сөзінше, қоғамдық палата қашан жұмыс істей бастайтыны әзірге белгісіз. Қошанов барлық депутатты палата жұмысына белсене атсалысуға шақырды.

"Палата мүшесі болу міндетті емес. Бірақ кез келген заң жобасы бойынша айтар пікіріңіз болса, әрбір депутат қатыса алады. Бұл жұмысты өзім тікелей қадағалаймын", - деді төменгі палата төрағасы.

Қоғамдық палатаның құрамы келесі аптада белгілі болады.

"Осы институт аясында бұған дейін парламент қабырғасындағы талқылауларға қатыспаған сарапшылар келеді. Бүгінге дейін мұндай қоғамдық талқылаулар болған жоқ. Осы палата аясында үлкен талқылаулар болады деген үлкен үмітім бар. Біз халықпен кері байланыс орнатуымыз керек. Азаматтар көшедегі митингтерге емес, осы жерге келсін. Біз соған мүмкіндік берейік", - деді Қошанов.

Қошанов бүгінде қоғамда парламенттің жұмысына жиі сын айтылатынын атап өтті.

"Бүгінгі таңда, өкінішке қарай, бізге көп сын айтылады. Заң шығарушылар халықтан алшақтап кеткен деген түсінік бар. Яғни, халық бір жақта, қоғам бір жақта, заң бір жақта жұмыс істеп жатыр деген пікір бар. Сондықтан Қоғамдық палатаның басты мақсаты – неғұрлым өзекті, резонансты мәселелерді бірінші оқылымға дейін қоғамның талап-тілегі тұрғысынан қарастыру", - деді ол.

Байланысты жаналықтар

Қаржы министрі жемқорлықпен "шен беру" арқылы күреспек

09.02.2021

Экономика министрі тым «экономшыл» екен

10.03.2020

Қиындықты еңсеріп, жеңіске бірге жетеміз!

15.12.2020

«Әйелдер сүйікті ісімен айналысу керек»

10.11.2020

Байбек жақсы оқыған Мамайды сотқа бермек

20.04.2021

Стивен Сигал «Справедливая Россия» партиясына кірді

29.05.2021
MalimBlocks
Қаржы министрі жемқорлықпен "шен беру" арқылы күреспек

Экономика министрі тым «экономшыл» екен

Қиындықты еңсеріп, жеңіске бірге жетеміз!

«Әйелдер сүйікті ісімен айналысу керек»

Байбек жақсы оқыған Мамайды сотқа бермек

Стивен Сигал «Справедливая Россия» партиясына кірді