Қасым-Жомарт Тоқаев Президент орталығында орналасқан №211 референдум учаскесіне барып, АЭС құрылысына қатысты республикалық референдумда дауыс берді, деп хабарлайды Malim.kz.
Мемлекет басшысы өз таңдауын жасағаннан кейін отандық бұқаралық ақпарат құралдарының өкілдері үшін брифинг өткізді. Президент, ең алдымен, референдум туралы пікір білдіріп, одан қандай нәтиже күтетінін айтты.
Бүгін – тарихи күн. Халқымыз АЭС салу мәселесіне қатысты дауыс беріп жатыр. Референдум – тікелей демократияның өте тиімді тетігі. Халқымыз қандай шешім қабылдаса, мемлекетіміздің түпкі байламы да солай болады. Нәтиже оң болады деп ойлаймын. Шын мәнінде, бұл – тағдыршешті оқиға. Сондықтан мен референдумды қолдаймын. Оңай шаруа емес. Үкімет талдау жасап, тиісті келіссөздер жүргізуі қажет. Бірақ менің жеке көзқарасым бойынша, Қазақстанда ең соңғы технологияларды игерген әлемдік компаниялардан құрылған халықаралық концорциум жұмыс істеуі керек. Әрі қарай өмір өзі көрсетеді, деді Қасым-Жомарт Тоқаев.
Фото: Aqorda
