«Репетитор жалдаңыз»: Әлтаев Қорғаныс министріне қазақша сөйлеуді талап етті

Орыс тілінде сөйлеу Кеңестік жүйеден қалып қойған отарлық сананың көрінісі

Бақыт БЕКОВ

  • 21.04.2022

Жаңа Қазақстанның Қорғаныс министрі Руслан Жақсылықов қазақ тілінде сұрақ қойған журналиске орысша жауап беруі қоғамда жиі талқыланып кетті.

Қазақ елінің қауіпсіздігін күзетіп отырған қолбасшы мемлекеттік тілді құрметтемесе, оған ерген мыңдаған сарбаз кімге қарап бой түземек? Осыған байланысты су жаңа Мәжіліс депутаты, экс-айтыскер Аманжол Әлтаев өзінің әлеуметтік парақшасында министрге қазақ тілінде сөйлеуді талап етіп, жазба жариялады.

«Руслан Фатихұлы! Сіз, қатардағы азаматтың бірі емес, арқасына ел аманатын арқалаған Қорғаныс министрісіз. Сондықтан да мемлекеттік тілге салғырттық танытпай, құрметпен қарауға тиіссіз. Мемлекеттік тілде сөйлеу арқылы артыңыздағы сан мыңдаған сарбаздарға өнеге көрсетуге міндетті екеніңізді естен шығармаңыз. Әскеріміздің және оның кеңсесінің тілі толық қазақша болатын уақыт жетті. Өзіңіз айтқандай, қырық қазақ отырып ортадағы жалғыз өзге ұлт өкілі үшін орыс тілінде сөйлеу Кеңестік жүйеден қалып қойған отарлық сананың көрінісі. Сондықтан да тәуелсіз елдің қолбасшы генералы ретінде бұл мәселеге жаңаша қараңыз. Мен сіздің әскери маман ретінде кәсіби тәжірибеңізге, атқарып келе жатқан еңбегіңізге құрметпен қараймын. Отанымыздың әскерін басқару үшін мемлекеттік тілді еркін меңгеру аса маңызды. Сіз секілді мемлекетік тілде сөйлеуге басында қиналса да кейін талабы мен жігерінің арқасында ана тілінде еркін, көркем сөйлеуге қол жеткізген генерал Тоқтар Әубәкіров ағамыз сізге жақсы үлгі бола алады. Репетитор жалдаңыз, қазақша кітап оқыңыз, отбасында қазақша сөйлесіңіз. Көп кешікпей жақсы нәтижеге қол жеткізе аласыз. Отан қорғау жолындағы аса маңызды жұмысыңызға сәттілік тілеймін!» – дейді Мәжіліс депутаты Аманжол Әлтаев.

Фото: malim.kz-тің коллажы 

Байланысты жаналықтар

Тоқаев Мәсімовке рақымшылық жасау мәселесіне нүкте қойды

23.07.2024

Тоқаев еңбек демалысына шықты

23.07.2024

Мемлекет басшысы Мысыр Президентіне құттықтау жеделхатын жолдады

23.07.2024

АҚШ президенттігінен үміткер Камала Харрис кім?

22.07.2024

Тоқаев екі заңға өзгеріс енгізді

18.07.2024

Елімізде «Жасанды интеллект туралы» заң жобасы әзірленді

16.07.2024
MalimBlocks
Тоқаев Мәсімовке рақымшылық жасау мәселесіне нүкте қойды

Мәсімовтің өтініші президент жанындағы кешірім жасау мәселелері жөніндегі комиссияда қаралды

Тоқаев еңбек демалысына шықты

Айта кетейік, 2022 жылы президент Қасым-Жомарт Тоқаев 2 тамызда еңбек демалысына шығып, бір апта демалды. 

Мемлекет басшысы Мысыр Президентіне құттықтау жеделхатын жолдады

Тоқаев Әбдел Фаттах Ас-Сисидің жауапты қызметіне толағай табыс, ал бауырлас мысыр халқына құт-береке тіледі.

АҚШ президенттігінен үміткер Камала Харрис кім?

Оның мұндай қадамға баруына президент Джо Байденнің додаға қатысудан бас тартуы себеп болған. Бұл туралы NBC News хабарлады.

Тоқаев екі заңға өзгеріс енгізді

Бұл туралы Ақорданың баспасөз қызметі мәлімдеді.

Елімізде «Жасанды интеллект туралы» заң жобасы әзірленді

Министрлік Мәжіліс депутаттарымен бірлесіп, озық әлемдік тәжірибеге сүйене отырып дайындаған.