Қазақстанда Михаил СААКАШВИЛИ атындағы халықаралық орталық ашылады. Бұл туралы Грузияның экс-президенті facebook.com әлеуметтік желісіндегі парақшасында хабарлады.
Бұндай келісім Грузия мен Украина саясаткері мен Киевке арнай келген деленация арасында жасалған. Әлем мойындаған реформатор Михаил Саакашвилимен кездесуге Асылбек ҚОЖАХМЕТОВ, Марғұлан СЕЙСЕНБАЙ, Арман ШОРАЕВ сынды кәсіпкерлермен экс-депутат Бақыт СЫЗДЫҚОВА, қаржыгер Олжас ҚҰДАЙБЕРГЕНОВ барған.
«Мен бүгін үйімде белгілі саясаткерлер, кәсіпкерлер мен журналистерден құралған қазақ делегациясын қабылдадым. Екі елдің Ұлттық реформа кеңесінің серіктестігі жайлы мақұлдастық. Сондай-ақ, қазақ университеттерінің бірінде халықаралық Саакашвили орталығы ашылады. Украинадағы көптеген жоспарларым мен Грузиядағы реформаларым жайлы әңгімеледім», - деп жазды Украина Ұлттық реформалар кеңесінің атқару комитетінің басшысы Михаил Саакашвили.
Қазақстандық меймандар кездесу соңында саясаткерге қазақтың ұлттық шапанын жауып, қолына қамшы ұстатқан.
MalimBlocks
