Ресейдің Кемерово облысының басшысы Сергей Цивилев Telegram арнасында осы облыстың экс-губернаторы Аман Төлеевтің қайтыс болғанын хабарлады. Төлеев 80-ге қараған шағында өмірден өтті.
Айта кетейік, Төлеев - этникалық қазақ, оның әкесі Алашорда қайреткерінің ұрпағы болған. Төлеевтің анасы жартылай татар, жартылай башқұрт. Аман Төлеев Кемерово облысын 20 жылдан астам уақыт басқарды. Өңір басшысы қызметіне 4 мәрте сайланған.
«Өңіріміз өмірінің тұтас бір дәуірі Аман Ғұмырұлымен байланысты: ол кеншілер Транссібір темір жолындағы қозғалысты бөгеп, рельске отырып, қиын-қыстау кезеңде оны басқарып, дағдарыстан алып шықты. Кузбастықтардың есінде Аман Төлеевті өз қызметінде әрқашан халық мүддесін бірінші орынға қойған нағыз халық губернаторы ретінде қалады», – деп жазды Кемерово облысының губернаторы Цивилев.
Еске сала кетейік, 2018 жылғы 25 наурызда Ресейдің Кемерово аймағында «Зимняя вишня» сауда орталығы өртеніп, соның салдарынан 64 адам қаза тапты. Көз жұмғандар арасында 41 бала болған еді. Зардап шеккендердің жалпы саны 80 адамға жуықтаған болатын. Өрттен кейін Аман Төлеев Кемерово облысының губернаторы қызметінен өз еркімен кету туралы өтініш берді.
Байланысты жаналықтар
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
