Тоқаев министрге апаттан қираған тұрғын үйлерді тез арада қалпына келтіруді тапсырды

Мемлекет басшысына құрылыс саласының жай-күйі туралы мәлімет берілді.

Malim Админ

  • 08.04.2024

Президентке өнеркәсіптік даму, геология, жер қойнауын пайдалану және құрылыс салаларындағы жұмыстың нәтижесі мен алдағы кезеңге арналған жоспары жөнінде баяндалды, деп хабарлайды Malim.kz.

Министр биылғы қаңтар-ақпан айларында Қазақстанның өңдеу өнеркәсібіндегі өсім 7,4 пайызды құрағанын жеткізді. Өндіріс көлемін ұлғайтуда машина жасау, металлургия, химия және жеңіл өнеркәсіп сияқты салалардың үлесі зор. Жалпы құны 1,5 триллион теңге болатын 180 жобаны жүзеге асыру жоспарланған. Соның арқасында 17,8 мың жұмыс орны ашылмақ.

Мемлекет басшысына құрылыс саласының жай-күйі туралы мәлімет берілді. Былтыр 157 мың тұрғын үй салынған. Биыл 172 мың тұрғын үй салу көзделіп отыр. Сондай-ақ жалға берілетін 22 мың тұрғын үйдің құрылысына мемлекеттен 300 миллиард теңгеден астам қаржы бөлінген. «Отбасы банкі» арқылы қаржыландыру көлемі 300 миллиард теңгені құрайтын бағдарлама іске қосылады. Бұл ел азаматтарына 12 мың ипотекалық займ беруге септігін тигізеді.

Қасым-Жомарт Тоқаевқа жер қойнауын пайдалану құқығын беруге қатысты аукциондарды электронды форматта өткізу үшін E-Qazyna.kz цифрлық платформасының іске қосылғаны жайында баяндалды. Бұл бастама процестің ашықтығы мен қолжетімділігін едәуір арттырды. Аукциондарға Rio Tinto және Fortescue сияқты әлемдік ірі компаниялардың қатысуы Қазақстанның ресурстарға бай кен орындарын зерттеуге мүмкіндік беретін бәсекенің арта түскенін көрсетеді.

Президентке министрліктің су тасқынынан зардап шеккен тұрғындарға көмек көрсету жөніндегі негізгі жоспары таныстырылды. Қазіргі уақытта су басқан өңірлерде жаңа тұрғын үй салу үшін жобалық-сметалық құжаттаманың құнын бекіту жұмыстары аяқталып келеді.  

Қасым-Жомарт Тоқаев апаттан қираған тұрғын үйлерді тез арада қалпына келтіруді тапсырды.

Фото: Ақорда

Байланысты жаналықтар

Президент «Жаңа адамдар» жастар форумында сөз сөйледі

08.02.2025

Bek Air ұшағы апатының тергеуі неге 5 жылға созылғаны белгілі болды

05.02.2025

Қостанай облысында санавиация ұшағы апатқа ұшырай жаздады

05.02.2025

АҚШ-та тұрғын үйлерге ұшақ құлады

01.02.2025

Президент Жапония премьер-министрінің арнаулы кеңесшісін қабылдады

31.01.2025

АЭС құрылысы: шорт-листке 4 ірі компания кірді

31.01.2025
MalimBlocks
Президент «Жаңа адамдар» жастар форумында сөз сөйледі

Bek Air ұшағы апатының тергеуі неге 5 жылға созылғаны белгілі болды

Қостанай облысында санавиация ұшағы апатқа ұшырай жаздады

АҚШ-та тұрғын үйлерге ұшақ құлады

Президент Жапония премьер-министрінің арнаулы кеңесшісін қабылдады

АЭС құрылысы: шорт-листке 4 ірі компания кірді