Қазақстан президенті Қасым-Жомарт Тоқаев Дохадағы Катар экономикалық форумына қатысып жатыр. Мемлекет басшысы шара барысында Ресей президенті Владимир Путинмен өзара қарым-қатынасы туралы сұраққа жауап берді.
"Владимир Путин сіздің соңғы кездесуіңізден кейін Қазақстанның тұрақты әрі сенімді одақтасы болып қала береді ме?" деген Bloomberg Television жүргізушісі Манус Крэннидің сұрағына Тоқаев былай деп жауап берді.
"Иә, ол - бұрынғыдай Қазақстанның сенімді одақтасы. Мен өз елімнің президенті ретінде Путинмен жақын қарым-қатынаста болғаныма қуаныштымын. Солай болуы керек", - деп жауап берді Тоқаев.
Сондай-ақ, президент Ресей басшысы оңаша әңгіме барысында Донецк пен Луганск мәселесі бойынша Қазақстанның ұстанымы туралы ешнәрсе айтпағанын атап өтті.
