Болгарияның Варна қаласында спорттық гимнастикадан Challenge Cup кезеңі мәресіне жетті, деп хабарлайды Malim.kz.
Ат снарядындағы жаттығуда Роман Хегай 13,600 ұпай жинап, бесінші орынға тұрақтады. Ал Зейнолла Ыдырысов 13,133 ұпаймен алтыншы нәтиже көрсетті.
Нуртан Ыдырысов сақиналардағы жаттығудың финалында 13,166 ұпай алып, бесінші орынды иеленді.
Қол тіреп секіру жаттығуының финалына шыққан Асан Сәлімов жарысты алтыншы орынмен аяқтады (13,583). Ал кермедегі жаттығуда Роман Хегай 11,233 ұпай жинап, сегізінші орынға жайғасты.
