Дубайдан Алматы мен Астанаға ұшуы тиіс қазақстандық жолаушылар әуе кеңістігінің жабылуына байланысты әуежайда қалып қойған, деп хабарлайды Malim.kz
Өңірдегі зымырандық соққыларға байланысты рейстер тоқтатылып, жолаушылар кері қайтарылуда.
Жолаушылар консулдықпен және елшілікпен байланыса алмай отырғанын, ал әуе компаниясы әзірге нақты көмек көрсете алмағанын айтқан. Әуежайда балаларымен бірге қалған адамдар уақытша тұратын орын іздеп, қонақүйлерді жедел брондауға мәжбүр.
Оқиға куәгерлерінің сөзінше, әуежайдағы жолаушылардың көпшілігі қалаға қайта оралып, баспана табуға тырысуда.
