Қызылорда қаласының әкімі болып Ғанибек Қазантаев тағайындалды.
«Қазақстан Республикасы президенті әкімшілігі, қалалық мәслихат келісімімен және облыс әкімінің өкімі бойынша 2021 жылдың 8 сәуірінен бастап Қызылорда әкімі қызметіне Қазантаев Ғанибек Қонысбекұлы тағайындалды», - делінген облыс әкімінің баспасөз қызметі таратқан мәлімдемеде.
Ғанибек Қазантаев 2013 жылдан 2019 жылға дейін Қызылорда облысындағы Сырдария ауданының әкімі, 2019 жылдың қыркүйек айынан бастап энергетика министрлігінің оңтүстік аймақаралық мұнай комплексінің мемлекеттік инспекция басқармасының басшысы болған.
Ғани Қазантаевқа дейін Қызылорда қаласының әкімі Бердібек Сапарбаевтың (қазіргі Жамбыл облысының әкімі) інісі Нұрлыбек Нәлібаев болған. Ол үкімет басшысы Асқар Маминнің жарлығымен премьер-министр кеңесінің өңірлік даму бөлімінің меңгерушісі болып тағайындалған.
