Анасының аяғын уқалаған Ердос Қанаев көпшілікті сүйсіндірді
Өнер иесі анасына арнап жазба қалдырған.
Анасының аяқ-қолын уқалаған «Жігіттер» тобының әншісі Ердос Қанаев жұртты сүйсіндірді, деп хабарлайды Malim.kz.
Желіде жарияланған видеодан өнер иесінің анасының аяқ-қолына массаж жасап отырғанын көруге болады.
Анашым. Анаңа деген құрметің – Аллаға деген махаббатыңның өлшемі… Оның жүрегіне төккен мейірімің – өзіңе қайтар нұр, қаталдығың – жолыңды бөгер тосқауыл… Разылығы – жетістігіңнің бастауы, реніші – сүрінер тұсың…
Жасаған әр жақсылығың – өміріңе егілген сауап дәні, немқұрайлылығың – өзіңе оралатын үнсіз жазылған тағдыр таразысы… деп жазды Ердос Қанаев.
Әншінің оқырмандары оның бұл әрекетіне сүйсініп, анасына ұзақ ғұмыр тілеп жатыр.
«Көз қуанышыңыз ғұмырлы болсын!», «Анаңыз нендей бақытты жан, өзіңіздей саналы ақылды иманды ұрпағы бар», «Ұлзейнет апайым аман болсын апайым ауырмасын! Аналарымыз аман болсын!», «Ана үшін баласы нешеде болсада сәби. Аналар жүз жасасын!», «Жұмақтың кілті ананың табанында. Алла ұзақ ғұмыр нәсіп етсін!» деп жазды көпшілік.
Фото: instagram.com/erdoskanaev
