Танымал дәстүрлі әнші Биғазы Тұтқабековтің қызы тұрмысқа шықты
Қарлығаш Биғазықызы әкесінің ұмытылған атып жаңғыртып, өнерімен тамсандырып жүр
Дәстүрлі әнші, «Серпер» тобының мүшесі, продюсер, Биғазы Тұтқабековтің қызы Қарлығаш Биғазықызы ұзатылды, деп хабарлайды Malim.kz.
Биғазы Тұтқабеков 2006 жылы 30-дан асқан шағында жол апатынан қайтыс болды. Енді әкесінің ұмытыла бастаған есімін қызы Қарлығаш Биғазықызы жаңғыртқысы келетінін айтқан.
«Жеті жасқа да толмаған кезде әкемнен көз жасып қалдым. Сондықтан да болар, көзімді жұмғанда ол кісінің бет-әлпетін елестете алмаймын, дауысы да есімде жоқ. Бірақ махаббаты есімде. Екеуміздің арамызда шексіз махаббат болды. Әкем тойға барса да, концерттеріне не студиясына барса мені қасынан тастамайтын. Мен де таңнан қара кешке дейін қасында жүруге дайын болдым. Ол кісі шаршап тұрса да, көңілімді қимай өзімен бірге алып кететін. Анамның айтуынша, әкемнің әкелік махаббаты мен туған кезде ашылыпты. Себебі ата-анам жастай үйленді, ағам дүниеге келгенде әлі өздері студент. Сондықтан ағамды ауылға апарып тастап, 4 жасына дейін ағам ата-әжеміздің қолында өсті де, әкем әке болудың не екенін аса түсінбеген тәрізді», - деп сұхбат берген Қарлығаш Биғазықызы.
Әншінің ұзатуына МузАрт тобының әншілері мен басқа да өнер иелері қатысқан.
Айта кетейік, Қарлығаш Биғазықызы «Қазақстан» ұлттық арнасындағы Qazaqstan дауысы жобасында өнерімен көпшілікті таңғалдырған еді.
Байланысты жаналықтар
MalimBlocks
