«Үнсіз отыра алмаймын»: Құран сүресінен рэп оқыған блогер ақталды

Әлеуметтік желіні дүр сілкіндірген танымал блогер Juzzeffina Жұлдыз Жауынбаева мұсылман халықтарынан кешірім сұрады, деп хабарлайды Malim.kz.

Танымал блогер Құран сүресін оқығанда ешқандай алкоголь ішпегенін және мазақ ету мақсатында жасамағанын айтып, ақталды.

Біріншіден, халықтың наразылығын түсінемін, себебі сіздерге жалған ақпарат тарап жатыр. Екіншіден, бұл дінге қатысты болғандықтан мен үнсіз отыра алмаймын. Өйткені, қазақ елі Ислам дінін ұстанамыз. Мені Исламға қарама-қайшы қойып жатқанына ашулымын, - дейді блогер.

Блогердің айтуынша, туған күн кешіне жиналғандардың көпшілігі дін жолында жүрген адамдар болып шықты.

Ешқандай алкогольді сусындар болған жоқ. Ол кештегі отырған қыздардың 70%-ы оранған. Ол жерде өнерлеріңізді көрсетіңіздер деген конкурс болды. Біреулер рэп оқыса, біреулер опера айтты. Намаздағы кісілер мені түсінеді, мен мақтанғым келді. Мен Құранды білетін едім дедім де, сондай ниетпен айттым. Ол жерде ешқандай музыка, рэп, бит жоқ. Барша мұсылман халықтан басымды иіп кешірім сұрағым келіп тұр. Негізі басты ниетім жаман болған жоқ. Мен Құранды білетініме мақтанғым келді, - дейді блогер.

Фото: видеодан кадр