178 миллионға 20 дәретхана салынбақ

Malim Админ

  • 04.08.2020

Алматы әкімдігінің туризм басқармасы 178 571 428 теңгеге қалада 20 дәретхана салмақ. "Қалалық дизайн кодына сәйкес дәретхана модульдерін дайындау және орнату бойынша жұмыстарға" туризм басқармасы осымен үшінші мәрте тендер жариялап отыр.

20 дәретхана модулі Достық даңғылы, хайуанаттар бағы, орталық мешіт, арбат, қуыршақ театры, Астана алаңы, Бутаковка, Үлкен Алматы көлі, Ғ.Мүсірепов атындағы балалар мен жасөспірімдер театры сияқты қаланың айшықты жерлерінде салынуы керек. Конкурс түрінде өтіп жатқан тендерге өтініштер 5 тамызға дейін қабылданады.

Жұмыстың техникалық ерекшелік құжатына қарағанда, дәретхананың шатыры жабын сэндвич панелдерден, қабырғасы сэндвич панельдерден жасалуы шарт.  Тікбұрышты және шаршы қималы металл құбырлардың (қалыңдығы 12 мм кем емес) тасымалдау мүмкіндігі бар жиналмалы-алмалы-салмалы қаңқасы болуы тиіс. Дәретхана жауын, қар, тұман мен  10 балдық жер сілкінісіне шыдай алатындай  болуы керек.

Дәретханаларда мүмкіндігі шектеулі жандарға арналған кабина, қысы-жазы суды қыздыратын бойлер, қабырғалық электроконвектор, кондиционер, жөргектеу үстелшесі болуы керек. Мұндай дәретхананың әрқайсысына бюджеттен шамамен 9 миллионға жуық ақша кетпек.

Алайда әкімдік қала орталығында 20 дәретхана модулін дайындап, орнататын компанияны үш айдан бері таппай жүр. Өйткені бұл тендер бірінші рет 22 мамырда жарияланған. Алайда конкурсқа бір ғана "Айза company" компаниясы қатысып, оның өзі тәжірибесі жоқ болғандықтан, конкурстан өтпей қалған. Екінші рет тендер 26 маусымда жарияланды. Алайда ол жолы да алдыңғы тендерден өтпей қалған "Айза company" ғана қатысып, конкурстан тағы сүрінді. Осылайша, әкімдік дәретхана тұрғызу тендерін осымен үшінші мәрте жариялап отыр.

 

 

 

Байланысты жаналықтар

Хостелде шыққан өрт. Алматы әкімі Досаев пікір білдірді

30.11.2023

Алматыда хостелден өрт шығып, 13 адамның денесі табылды

30.11.2023

Жол шұңқырын кілеммен жапқандар әшкереленді

03.11.2023

Президентке үндеу. Алатауды Алматы әкімінен құтқарыңызшы...

05.10.2023

Байбектен қалған дәретхананы Досаев аша ма?  

14.08.2023

Қазақ әнін менсінбейтін мейрамхана қателігін мойындады

16.03.2023
MalimBlocks
Хостелде шыққан өрт. Алматы әкімі Досаев пікір білдірді

Өрт орнынан 59 адам эвакуацияланды

Алматыда хостелден өрт шығып, 13 адамның денесі табылды

Аты-жөндері анықталып жатыр

Жол шұңқырын кілеммен жапқандар әшкереленді

Асфальт төсеу жұмыстары аяқталған

Президентке үндеу. Алатауды Алматы әкімінен құтқарыңызшы...

Бауыржан Байбек бастаған дауды Ерболат Досаев жалғастырмақ па?  Алматының бір топ эко-белсенділері бүгін, 5 қазанда баспасөз жиынын өткізіп, президент Қасым-Жомарт Тоқаевқа үндеу жариялады. Онда олар президенттен Алатауды Алматы әкімдігінен құтқаруды сұрап отыр.  

Байбектен қалған дәретхананы Досаев аша ма?  

Алматы әкімдігі 64 млн теңге артық төлеп сатып алған дәретханалар 2 жылдан бері ашылмай тұр.

Қазақ әнін менсінбейтін мейрамхана қателігін мойындады

Алматылықтар байкот жариялаған