365 талапкер тыйым салынған заттармен кіргені үшін ҰБТ тапсыра алмады
Бұл мәліметті Ғылым және жоғары білім министрлігінің Ұлттық тестілеу орталығы хабарлады.
ҰБТ-ның алтыншы аптасы аяқталды. Осы уақытта 365 талапкер смартфон, шпаргалка және басқа да тыйым салынған заттарды алып өту әрекеті салдарынан тест тапсыру мүмкіндігінен айырылған. Тестілеу кезінде ережелерді бұзғаны үшін аудиториядан 273 адам шығарылып, олардың нәтижелері де жойылған. Ал талапкердің орнына бөгде адамның кіруі тіркелмеген.
Талапкерлердің 76 пайызы қазақ тілінде, 24 пайызы орыс тілінде, 292 рет ағылшын тілінде тапсырған. ҰБТ басталғалы бері шекті баллды талапкерлердің 79 пайызы жинаған. Орташа баллға келетін болсақ, ол 70 ұпайды құрады. Ең жоғары нәтижені төрт адам көрсетіп, 137 ұпай жинаған.
https://malim.kz/article/society/zogary-oqu-oryndaryna-grant-bolindi-19633
Ерекше білім беру қажеттіліктері бар оқуға түсушілер үшін қолайлы жағдай жасаудың арқасында алты аптаның ішінде олар 719 рет ҰБТ-ға қатысты.
Айта кету керек, ҰБТ-2023 аяқталғаннан кейін осы жылдың 31 қазанына дейін бейнежазбаларға талдау жүргізіледі. Тыйым салынған заттарды пайдалану және ережелерді бұзу фактілері анықталған жағдайда талапкердің ҰБТ нәтижелері жойылады.
