Ұлттық қоғамдық сенім кеңесінің мүшесі блогер Айгүл ОРЫНБЕК Шымкент қаласы әкімінің Алғыс хатын қоқысқа тастады. Мұрат ӘЙТЕНОВ Айгүл Орынбекті ақпарат және байланыс қызметкерлерінің күнімен құттықтаған екен.
«Ақпарат майданында халықтың үнін жеткізу үшін, мемлекетіміздің өркендеуіне үлес қосуға барынша жүгіріп жүремін! Ешкімге міндетсінбей жасаған істерім үшін, ешкімнен әр бір ісіме өтем ақы немесе алғыс сұрамағам!
Ең бастысы елімнің тыныштығы, халқымның амандығы деген ұранмен жүрдім! Халық пен билік арасындағы алтын көпір болып, азаматтық көзі ашық қоғам құру ниетім еді!
Ниетімнің, болашаққа деген үмітімнің күл талқанын шығардыңдар! Тек мерекеде алғыс айтып, қалған уақытта адамға қоқыс ретінде қарап, шырылдатып үніңді тыңдамай жатқан әкімдіктен не үшін алғыс алуым керек? “Қоғамға үлесіңізді қосып жатқаныңызды білеміз”- деп жазыпты, көрдім көріп отырғандарыңызды, іспен дәлелдедіңіздер! “Дамыған мемлекетпіз, біз де бәрі керемет, біз біргеміз”- деп өтірік ұрандаудың керегі не, адам өмірін сақтап қалуға қолдан келгенін жасай алмай жатқан да?
Халық ештеңеге кінәлі емес! Мемлекет әрбір ауырған азаматының жағдайын жасауға міндетті!
Халықты қоқысқа лақтырғандай лақтырып тастап жатқан кезеңде, сіздердің алғыс хаттарыңыздың да орны қоқыста! Қаржылай сыйлықтарыңа рахмет, ауруханаға қосқан үлесім болсын! Бейшара елдің ауруханаларына дәрі-дәрмек алыңдар! Маған қарапайым халықтың алғысы жетеді!», - деп жазды Айгүл Орынбек фейсбук парақшасында.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
