Астаналық саудагерлер ереуілге шықты

Malim Админ

  • 14.05.2020

14 мамырда Нұр-Сұлтанда орталық базардың 200-ден астам сатушысы сауда орны алдына жиналып, карантин кезіндегі базар әкімшілігінің "негізсіз талаптарына" қарсы шыққан. Бұл туралы «Азаттық радиосы» хабарлады. Сатушылардың айтуынша, базар әкімшілігі алдын ала екі айдың жалға алу құнын төлеуді талап етіп отыр. Алдыңғы айларда табыссыз қалғанын айтқан саудагерлер мұндай ақшаны қайдан табамыз дейді.

“Біз карантин жарияланғанға дейін 1,5 айға төлегенбіз, оның ақшасы әлі ақталған жоқ. Енді мамыр мен маусымға төлеп кіресіңдер деп жатыр. Неге біз алдыңғысын ақтамай жатып, тағы екі айға төлеу керекпіз?” деді ашынған саудагерлер.

Наразы жұрттың сөзіне қарағанда шамамен екі жарым ай жабық болған сауда орны жақын арада ашылуы тиіс.

Олардың көбі "тым болмағанда бутиктегі тауарларымызды алуға рұқсат берсін, басқа жаққа кетеміз" деп отыр.

Саудагерлер бұған қоса, базардағы бутиктердің жалға алу құнының қымбаттығына шағымданды. Олардың сөзіне қарағанда, өзге сауда орталықтарында бутиктерді жалға алу құны бір шаршы метрге 4 мың теңгені құраса, мұнда - 6900-7000 теңге. Жиналғандар базар әкімшілігі "саудагерлердің пікір-ескертулеріне құлақ аспайды" деп те шағымданды.

Базар әкімшілігінен бір қызметкер шығып, саудагерлерді сабырға шақырды. Алайда наразы сатушылар базар басшылығы келуін талап етті. Айтуынша, олар бұған дейін екі рет жиналғанмен базар басшылығы келмеген. Бұдан соң базар өкілдері әрбір қатардан бір сатушыны ішке кіргізіп, мәселені талқылауға шақырды. Келіссөзге ақпарат құралдары әрең кіргізілді.

Оқиғаны полиция қызметкерлері бақылап тұр. Мұнда әкімдік, прокуратура өкілдері де бар. Қазір саудагерлер мен базар әкімшілігі арасында келіссөз жүріп жатыр.

Сурет: "Азаттық радиосынан"

Байланысты жаналықтар

Астанадағы «Шанхай» базарындағы өрт сөндірілді

13.05.2025

Астанада базардан шыққан өрт оқшауланды

08.05.2025

Астанада «Шапағат» базары өртеніп жатыр

08.05.2025

Биыл елімізде 100 базар жаңартылады

17.01.2025

Шымкент қаласында базар өртенді

02.07.2024

Желіде шымкенттік кәсіпкердің есектерді сойып, базарға сатқаны туралы ақпарат тарады

13.05.2024
MalimBlocks
Астанадағы «Шанхай» базарындағы өрт сөндірілді

Астанада базардан шыққан өрт оқшауланды

Астанада «Шапағат» базары өртеніп жатыр

Базар аумағындағы бутиктердің бірі отқа оранған

Биыл елімізде 100 базар жаңартылады

Ең көбі БҚО-да

Шымкент қаласында базар өртенді

Зардап шеккендер жоқ, себебі анықталып жатыр.

Желіде шымкенттік кәсіпкердің есектерді сойып, базарға сатқаны туралы ақпарат тарады

Шымкент әкімдігі оқиғаның Тұран ауданындағы Құрсай көшесі маңында болғанын растады.