Боранбаев: өзі түрмеде, бизнесі Ресейде

McDonald’s компаниясының Ресейдегі ресторандарын басқа атаумен ашу талқыға салынып жатыр. The Bell басылымының ақпаратына сүйенсек, осы аты ауысқан жаңа брендті қазақстандық миллиардер Қайрат Боранбаев сатып алуы мүмкін.

Ақниет Аманжолқызы

  • 19.05.2022

Америкалық McDonald’s компаниясы осы апта Ресей нарығынан кететінін жария еткен. Алайда оның ресторандары толық жабылмай, тек аты өзгеріп, жұмысын жалғастыра береді. Басылымға ақпарат берген үш адамның екеуі McDonald’s-тің Ресейдегі ресторандары Боранбаевқа тиесілі «СПП» компаниясының иелігіне өтеді деген пікір айтқан. Қазақстандық миллиардерден бөлек, бұл франшизаға иелік етуге ресейлік бизнесмен Александр Говор да үмітті.

Айта кетейік, Боранбаевтың «СПП» компаниясы көрші елдің Свердловск, Оренбург, Челябинск, Курганск, Тюмен және Киров облыстарындағы McDonald’s ресторандарына ие. Басылым мәліметінше, егер келесі аптаның бейсенбісі келісімге қол қойылса, Боранбаев McDonald’s-тің Ресейдегі барлық бизнесіне иелік ететін болады.

Оқи отырыңыз: Спутник V Боранбаевпен бірге кетті ме?

Бұдан бөлек, Қайрат Боранбаевқа Қазақстан мен Беларусьтегі McDonald’s ресторандары тиесілі.

McDonald's компаниясы Ресейден толық кететіні туралы жариялағаннан кейін осы елдегі бизнесін сататыны туралы ақпарат тараған. Маусым айында меню мен қызметкерлерді өзгертпей, тек ресторанның атауы өзгеріп, қайта жұмыс бастауы керек.

15 наурызда БАҚ өкілдері кәсіпкер Қайрат Боранбаевтың ұсталғаны туралы ақпарат таратқан. Ол бұрынғы президент Нұрсұлтан Назарбаевтың құдасы болған және Forbes тізімі бойынша Қазақстандағы ең беделді бизнесмендер қатарынан бесінші орында еді. McDonald's-тан бөлек, оның иелігінде «Қайрат» футбол клубы, Спутник V вакцинасын Қазақстанда шығарған «НеоТекФарм» компаниясы, Алматыдағы ақылы көлік тұрақтары, бірнеше сауда орталығы және тағы басқа көптеген бизнесі бар.

Оқи отырыңыз: Боранбаевты қолдаушылар қатарына Паралимпиада комитеті мен Қайрат футбол клубы қосылды

17 наурызда сот оны квазимемлекеттік сектордан аса ірі көлемде қаржы жымқырды деген күдікпен 2 айға қамауға алынды деген ақпарат шықты.

Байланысты жаналықтар

ТЖМ елімізде су басқан елді мекендерден 412 адам эвакуацияланғанын мәлімдеді

27.03.2024

Коммуналдық қызмет бағасы өсті

27.03.2024

Қазақстанда қай қала тұрғындары жиі ажырасады?

26.03.2024

Қазақстан қиын-қыстау кезеңде Ресеймен бірге  - Тоқаев

26.03.2024

Қасым-Жомарт Тоқаев Ресей халқына қайғырып көңіл айтты

23.03.2024

Қазақстанда қызылша бойынша эпидемиологиялық жағдай тұрақталып келеді

23.03.2024
MalimBlocks
ТЖМ елімізде су басқан елді мекендерден 412 адам эвакуацияланғанын мәлімдеді

Ақтөбе, Атырау облыстарындағы 46 аула аумағынан су сору жұмыстары жүргізіліп жатыр, деп хабарлайды Malim.kz.

Коммуналдық қызмет бағасы өсті

2024 жылғы ақпан айының соңында Қазақстанда ақылы қызметтер жылына 12,8%-ға қымбаттаған, деп хабарлайды Malim.kz.

Қазақстанда қай қала тұрғындары жиі ажырасады?

Алматы бірінші орында: 2023 жылы – 2,3 мың жұп ажырасқан.

Қазақстан қиын-қыстау кезеңде Ресеймен бірге  - Тоқаев

Кездесу барысында сауда-экономикалық ықпалдастық мәселелері қарастырылған.

Қасым-Жомарт Тоқаев Ресей халқына қайғырып көңіл айтты

Қазақстанда қызылша бойынша эпидемиологиялық жағдай тұрақталып келеді