Сыбайлас жемқорлыққа қарсы іс-қимыл агенттігінің баспасөз алаңында адам сенгісіз жәйт айтылды. Бірақ неге адам сенгісіз? Қазір бәрі мүмкін. Қалыпты жағдайға айналып барады. Ал шын мәнінде бұл факт адам шошитын дүние ғой. Қызылорда облыстық полиция департаменті есірткі қылмысына қарсы күрес басқармасының бөлім басшысы сыбайлас жемқорлық қылмысын жасау күдігіне ілінді. Бұл туралы Қазақстан Республикасы Сыбайлас жемқорлыққа қарсы іс-қимыл агенттігі 1-ші департаментінің аға тергеушісі Қайсар Баржақсынов айтып берді.
Оның сөзіне сенсек, Қызылорда облыстық сыбайлас жемқорлыққа қарсы қызметі аталған өңірдің полиция департаменті өзіндік қауіпсіздік басқармасымен бірлесіп, есірткі қылмысына қарсы күрес басқармасының бөлім басшысы сыбайлас жемқорлық қылмысын жасағанын әшкерелеген.
«Ол жалпы қамқорлығы үшін 500 мың теңге сомасында пара алу күдігіне ілінді. Қазақстан Ресбуликасы Қылмыстық іс жүргізу кодексінің 201-бабына сәйкес тергеу мүддесі үшін өзге ақпарат жарияланбайды», - деді ол агенттіктің баспасөз қызметі алаңында Сыбайлас жемқорлыққа қарсы іс-қимыл агенттігі 1-ші департаментінің аға тергеушісі Қайсар Баржақсынов.
Бұл фактінің масқаралығы неде? Есірткіге қарсы күресуі тиіс адам сыбайлас жемқорлыққа барып отыр. Бұл жерде бір емес – екі қылмыс. Бірінші, сыбайлас жемқорлыққа барып отыр. Екінші есірткінің таратып отыр. Себебі соған ат салысып, кө жұмып жүрген. Аталған факт ойынша, шенеунік тиісті жазасын алады деп үміттенеміз.
