Жамбыл облысында кәсіпкерлер карановирус індетіне қарсы күреске өз үлестерін қосып жатыр. Олар 350 миллион теңгеге қайрымдылық көрсеткен. Бұл туралы МӘЛІМ КЗ сайты хабарлайды.
Қайрымдылық ақциясына Тараз әлеуметтік кәсіпкерлік корпорациясы мен «Атамекен» кәсіпкерлер палатасы мұрындық болған. Бірінші арнайы топ облыстағы барлық аудандарды аралап шыққан. Бірінші кезекте қажет заттар тізімделген екен. Мәселен Байзақ ауданына Цефтриаксон, зитрокс, ацетилсалицил, антигриппин, парацетамол, глюкоза т.б дәрі-дәрмектер жеткізілген.
«Үлкен қалалар мен облыс орталықтарындағы жағдай БАҚ, әлеуметтік желілер арқылы бірден тарайды. Қиырдағы аудандар да олай емес. Сондықтан да біз қазақтың күре тамыры ауылдар мен аудандарды аралап шықтық. Антивирустық, ыстықты түсіретін дәрілерді жеткіздік. Бұл шараға ат салысқан барлық кәсіпкерлерге алғыс айтқым келеді. Енді облыс басшысы Бердібек Сапарбаевтың тапсырмасымен облыстағы жедел жәрдем автокөліктерін жаңартуды қолға алмақпыз», - дейді Тараз әлеуметтік кәсіпкерлік корпорациясының басқарма төрағасы Олжас Қаржауов.
Сондай-ақ, Қайрымдылық ақциясында Тараз әлеуметтік кәсіпкерлік корпорациясы мен «Атамекен» кәсіпкерлер палатасы облыстағы дәріханалардан тапсырыс алып, арзан бағаға дәрі-дәрмек тауып беру жағын қолға алған. Қазір Шымкент қаласындағы «Зерде» дәріханалар желісімен осы бағытта жұмыс басталып кетіпті.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
